Irulegiko eskua jendaurrean aurkeztu zuen Nafarroako Gobernuak. Irulegiko Burdin Aroko baskoien herrixkaren aztarnategian Aranzadi Zientzia Elkarteak aurkitu zuen brontzezko esku formako pieza, idatzitako inskripzioekin. Sorioneku hitza deszifratzea lortu zuten adituek, eta oraingoz hizkuntza hori antzinako euskara ote den frogatutzat ezin eman daitekeen arren, balio handiko aurkikuntza da. Baskoien kokaleku, bizimodu, hizkuntza eta sinesmenei buruz ikertzeko oinarriak ipini zituen herrixkaren indusketak.