Internazional Situazionista mugimendua disolbatu zuten. Guy Debord autoreak bultzatuta, kulturako profesional erradikalen antolakuntza saiakera bat izan zen. Funtsean, ustez pentsaezinak diren egoerak sortu eta herritarren artean gogoetak eragitea bilatzen zuten. Adibide bat jartzearren, Parisko Notre Dame katedraleko Pazko Meza nagusian kide bat infiltratu zuten monjeak bezala jantzita, eta mezako momentu batean, aldarera igo eta panfleto bat irakurri zuen solemnitate osoz, jainkoa hil egin zela aldarrikatzeko, sinesdunen harridurarako. 68ko Maiatzaren inspirazio iturritzat hartzen da mugimendu hau, baina protesta hutsal eta konformistan erortzeko arriskua ikustean, disolbatzea erabaki zuten bere bultzatzaileek.