A policía chilena disparou contra a multitudinaria manifestación contra os novos impostos do Goberno á carne e asasinou a 250 persoas. Aquel día miles de traballadores uníronse á manifestación dicindo que ese imposto era un imposto que os grandes produtores só expuxeran para gañar máis diñeiro, e ao final dirixíronse a facer chegar ao presidente as súas peticións, facendo algunhas desfeitas no camiño. A situación superou á policía, polo que o presidente Riesco pediu medidas urxentes e ás ordes do xeneral Roberto Silva Renard, esmagaron a manifestación e cometeron unha masacre. Esta mobilización lémbrase como folga da carne, Semana Vermella ou Mitina da Carne.

Varias fotos seguidas do día: