Comezou a sublevación da cervexa en Frankfurt. Cando os cervexeiros da cidade decidiron subir os prezos, moitos cidadáns comezaron a organizar disturbios e a policía prusiana tivo que convocar tamén ao exército para restablecer a orde. Durante os días que durou a rebelión, realizaron unha manifestación tras unha bandeira vermella feita cunha cortina. A prensa atribuíu o suceso á difusión das ideas comunistas, xa que foi o acontecemento máis violento entre as revolucións de 1844 e 1918 en Frankfurt con varias mortes. Naquela época a cervexa era un alimento básico para a clase traballadora en Alemaña e conseguiron evitar o incremento do prezo da cervexa.