O Día da Muller Traballadora foi establecido oficialmente na Unión Soviética en honra ás mulleres que loitaron na Revolución de Febreiro de 1917. Previamente, na Conferencia Internacional de Mulleres Traballadoras celebrada en 1910, fíxose fincapé na necesidade dun Día Internacional da Muller Traballadora por iniciativa da alemá Clara Zetkin. A celebración do día comezou a estenderse primeiro aos países de influencia soviética e logo a todo o mundo.