Debako Udalak estazio meteorologikoa eraikitzeko baimena ukatu zion Iberduerori. 1973an, energia enpresak Debako kostaldean zentral nuklear bat eraikitzeko plana aurkeztu zuen, eta estazio meteorologikoaren eraikuntza zentral horrekin lotu zuten. Euskal kostaldean, nuklearraren aurka mugimendu herrikoi zabala eratu zen urte haietan, eta Aranzadi Zientzia Elkarteak egindako txostenaren eta herriaren presioaren ondorioz, Debako Udalak jarrera antinuklearra hartu zuen.