En Barakaldo mataron a Hermenegildo Alvariño, traballador de orixe galega e militante da CAPV-ANV. Fronte a un bar déronlle catro disparos varios membros do PSOE no día das eleccións xerais de España. Na marxe esquerda eran habituais naqueles tempos os enfrontamentos entre carlistas, socialistas, republicanos e nacionalistas, o que facía que os militantes de distintos partidos tivesen armas ocultas. Ademais, o PSOE adoitaba ter hexemonía entre os traballadores provenientes do exterior.