Altsasuko udaletxeko batzar gelan ikastolaren aldeko lantaldea eratu zuen herritar talde batek. Ondorengoak izan ziren bertan bildutako euskaltzaleak: Enrique Ochoa de Eribe zinegotzia, Pedro Arratibel irakaslea, Eliseo Gorospe Lagun Onak elkarteko bazkidea, Antonio Espinal apaiza, Patxi Irigoien, Jose Luis Zubiria eta Mari Cruz Arregi Gure Etxea elkarteko kideak, eta Javier Ignacio Aristorena, Estrella Negro, Maria Teresa Soria, Ramon Mendia, Santiago Barcenilla eta Antonino Urtasun gurasoak. Irailean zabaldu zuten ikastola 150 metro koadroko bajera batean.