Mentres traballaban nun xacemento da época romana de Normandía, varios estudantes de arqueoloxía fixeron recentemente un curioso descubrimento: no interior dunha pota de barro atoparon un pequeno frasco de cristal, dos que as mulleres usaban para levar o perfume no século XIX.

E dentro do frasco había un papelito cunha mensaxe escrita fai case 200 anos: "P.J. Féret, nacido en Dieppe e membro de varias sociedades intelectuais, escavou aquí en xaneiro de 1825. Continúa a investigación nesta vasta zona coñecida como o campamento dos Césares".

Con todo, para os arqueólogos de dous séculos máis tarde, será difícil continuar coas investigacións, xa que o xacemento se ve ameazado pola subida do nivel da auga.