Quizá haxa quen non saiba como loitar pola Terra. Pois ben, a creadora do Acordo de París contra o Cambio Climático 2015, Christiana Figueres de Costa Rica, suxeriu varias preguntas.

“Que comemos?”. A relación entre a carne de vacún e a deforestación é evidente, pero seguimos comendo carne vermella todos os días. Que estamos a facer? Non podemos seguir consumindo os produtos que destrúen os bosques de forma continua.

“Como nos movemos e como vivimos?”. As nosas casas e oficinas están o suficientemente illadas como para gastar a menor enerxía posible? Os que teñen uns aforros, por moi pouco que sexa, deben saber que si se pon ese diñeiro en compañías que utilizan combustibles fósiles, están a arruinar a Terra –e seguramente tamén perderán–.

Doutra banda, os que vivimos en países “democráticos” deberiamos ter en conta o compromiso que esixe o voto e apoiar só aos líderes que son conscientes da emerxencia que temos encima.

Máis aló da responsabilidade dos gobernos e institucións, cada persoa pode achegar a esta loita na súa casa, no traballo ou na rúa, a través da alimentación e o consumo, así como a través da elección do transporte e a enerxía que utilizamos. Porque se salvamos o Planeta, nós salvarémonos. Os mozos cun futuro incerto non deberían esperar a pasar á acción.