Especialmente o discurso de Mariano Rajoy foi o que provocou o maior “incendio” e o pasado sábado miles de pensionistas volveron saír á rúa de forma masiva, sobre todo Hego Euskal Herrian.Rajoy é un xestor fiel do capitalismo e tomou o camiño que lle impón o sistema: privatizar as pensións para alimentar ás entidades financeiras. Para iso amente: non hai diñeiro para pagar as pensións, e moito menos para manter o actual sistema público de pensións no futuro. Para gañar tempo e evitar a presión na rúa, anunciou algunha mellora, sen concretar en exceso, para os perceptores de pensións mínimas e viúvas, pero a cambio de aprobar os orzamentos do Estado. Pediu ao resto de partidos que apoien os orzamentos no Parlamento, e si non… xa está! A situación dos pensionistas teraa a responsabilidade da oposición, por non apoiala. Unha chantaxe vergoñosa!

É falso que non haxa diñeiro para cambiar a situación dos pensionistas. O que non hai é vontade política. Hai diñeiro para pagar á OTAN 20.000 millóns de euros ao ano. Hai outros 60.000 millóns de euros para rescatar aos bancos, 2.000 millóns para facer o mesmo coas autoestradas, e miles de millóns para a monarquía, o exército, os políticos… É cuestión de prioridades, a ver como repartimos a riqueza. E quen está ao servizo do capitalismo, como o PP, ten esas prioridades. Desde Euskal Herria reivindicamos a soberanía económica e política, pero que sexa para xestionar unha seguridade social que responda os intereses da cidadanía e dos traballadores. Porque, si, desde aquí tamén se pode xestionar como Rajoy.