O Museo de Arte Moderna de Nova York foi inaugurado o 7 de novembro de 1929, nove días despois da traxedia de Wall Street. Desde entón realizáronse 3.743 exposicións, incluíndo nove exposicións e instalacións que están abertas na actualidade, e están recollidas na web de MoMA, na sección Exhibition history. Por exemplo, na exposición inaugural reuníronse durante un mes obras dos coñecidos pintores post-impresionistas Cézanne, Gauguin, Seurat e Van Gogh. Na páxina web pódese acceder á presentación da exposición, a 23 fotografías, unha delas a de arriba, e a un catálogo de 156 páxinas.