A Organización Internacional para as Migracións (OIM) deu a coñecer recentemente os datos dun dos grandes dramas de 2015. O ano pasado, máis dun millón de persoas chegaron a Europa fuxindo do conflito e da miseria, das que a Organización estima que ao redor de 4.000 morreron no camiño.

Unha de cada dúas persoas que lograron cruzar o Mediterráneo é sirio, segundo informou o Departamento de Seguridade. A guerra que comezou en marzo de 2011 en Siria acabou cun cuarto de millón de cidadáns e obrigou a abandonar a case a metade da poboación. Por detrás dos sirios, a maioría dos migrantes son de orixe afgá e iraquí, segundo Reuters.

A Organización pediu legalizar a migración para non condenar á xente a morrer e para reconducir a situación da maneira máis digna posible, garantindo unha viaxe segura desde a súa orixe e facilitando o acceso en lugar de pechar as portas, para que os migrantes poidan moverse tranquilamente por Europa, en lugar de concentrarse nas fronteiras. Con todo, os países europeos non souberon xestionar a realidade, e aínda que tras moitas tensións acordaron recolocar a 160.000 refuxiados nos países da Unión Europea, unha cifra moi reducida, incluíndo a chegada dun millón de persoas, son moi poucos os que de momento foron recolocados a través deste plan.

Ás portas do cru inverno, a situación non ten boa pinta.