ARANTZA QUIROGA EAEko PPko idazkari nagusia haserre dago eta irmo adierazi du ez duela onartuko bere alderdia zikintzerik. Beranduegi makinak gelditzeko: espainiarren %86ren ustez –El Mundo-k iragan asteburuan kaleratutako inkestaren arabera–, PP legez kanpoko diruaz finantzatu da. Hori Espainian, pentsa Euskal Herrian zer pentsatuko den.
Eta, enfokea handituz, Nafarroan zer? Ez dut azken uneko inkestarik ikusi, baina orain artekoak argi erakutsi dute herritarren gehiengo zabalak oso ilun ikusten duela UPNren kudeaketa, eta bereziki CAN auzian, baita bere botoemaile askok ere.
Baina Espainiako Auzitegi Goreneko fiskal Antonio Narbaezek ez du delitu zantzurik ikusten CAN auzian, eta bere begiek, orain arte Maria Paz Benito epaile nafarrak ikusi duen guztiz kontrakoa ikusi dute. Ezaguna da legea interpretatzeko dagoela egina, baina hainbeste? Zer pentsatuko du CAN auziaz, orain, bat-batean, kudeaketa publikoaz hain arduratsu agertu den Juan Calparsoro EAEko fiskal buruak? Eta Espainiako Auzitegi Konstituzionaleko buru den eta oraintsu arte PPko militante izan den Francisco Perez de los Cobosek?
Espainia gero eta okerrago dago eta ez da samurra irudikatzea nola aterako den ataka horretatik gatazka sozial edota politiko handi bat bizi barik. Nafarroako herritarren gehiengo oso handiarentzat eskandalua da Yolanda Barcinak CANeko batzorde mamu batean parte hartu izana eta 31.324 euro kobratu izana bilera gutxi batzuengatik. Narvaezentzat normala. Miguel Sanzek, Barcinak eta abarrek aitortzen dute publikoki gaizki egin zutela, eta dirua itzuliko dutela; Narvaezek, aldiz, lasai egoteko esaten die, ongi egin zutela, CAN pribatua dela eta beraiek kobratzeko eskubidea dutela. Horrek guztiak, izen bat du: Madril. Ikusiko da zer dioen Auzitegi Gorenak berak, baina abiapuntua ezin da desegokiagoa izan.
ZUBIETAKO ERRAUSKAILUA ere justiziaren zaintzapean dago, noiz eta Bilduk errauskailu proiektua gelditu duenetik. Ikerketak emango du eman beharrekoa, baina susmagarria da Calparsorok orain bakarrik ikusi izana, eta bere ekimenez, agintariak ikertu beharra, zergatik eta herritarren patrika babesteko asmoz. Bitxia da, esaterako, EAEko Abiadura Handiko Irlaren sorrera inongo ikerketarako motiborik ez izatea. Baina, ondo pentsatuta, logikoa ere bada, 5.000-6.000 milioi euroko inbertsio horrek ez duelako, antza, eragin handirik herritarren poltsikoan. Agintariek etengabe dioskute oparotasun garaian gure ahalmenetik gora bizi izan garela, baita instituzioak ere, eta behar baino gehiago gastatu dugula. Baina ez, Calparsorok orain ikusi du herritarren sosak babestu beharra, azken hamabost urteetan ez.
Errauskailua eta Juan Calparsororen albistearena irakurrita, medio gehienek badute norabide bat, batzuetan agerikoagoa eta besteetan lerro artean irakurri beharrekoa: Bilduk hartutako erabakiaren ondorioz, Gipuzkoako Hondakinen Kontsortzioak (GHK) dirutza ordaindu beharko diela hainbat enpresei kalteordain gisa, eta hori Bilduren kudeaketa txarraren ondorio dela eta, beraz, ikertu beharrekoa.
Auziak aurrera egiten badu, etorriko dira atzera begiratzeko garaiak eta orduan aztertu beharko da, besteak beste, instituzioek noraino eta nola baldintza dezaketen hurrengo legealdiko gobernua; eta, batez ere, noraino joko politikoan aritu herritarren diruak erabiliz eta arriskatuz.
GHK-k udal hauteskundeak baino bi hilabete lehenago erabaki zuen –2009ko otsailean– Zubietako erraustegiaren esleipena FCC eta beste enpresa batzuen esku uztea. Garai berean sinatu zituen swap ospetsuak barne dituzten mailegutzarrak hainbat bankurekin (azken-azken sinadura ekitaldia maiatzeko udal hausteskundeak baino 10 egun lehenago).
Bistan da, Zubietako errauskailu proiektua lotuta uzteko egin ziren mugimendu haiek eta hurrengo balizko gobernua baldintzatzeko.
Justiziaren bidea aparte utzita eta soilik etika politikotik begiratuta, zilegi ote da legealdiaren azken egunetan, teorian gobernu berri bat etor daitekeenean, halako operaziorik egitea? Zilegi ote da horrela jokatzea herritarren diruarekin? Ez ote da logikoagoa zain izatea eta hauteskundeen ondorioz ateratzen den gobernuak, aurrera edo atzera egitea, bere programan agertutako aginduaren arabera? Badu lana Juan Calparsoro fiskal buruak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ez dakit nondik hasi, egia esan. Ordezkoa naizen heinean –irakaskuntzan ikasturte gutxi batzuk daramatzat lanean– eskola ugari ezagutu ditut Nafarroa, Bizkai eta Araban zehar. Lankide izan ditudan irakasleekin euskal eskolak dituen gabezien inguruan hitz egiten... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]
“Gogo eta gorputzaren zilbor-hesteak: bi kate. Bi kate, biak ebaki beharrezkoak: bat gorputzaren bizitzeko, bestea gogoaren askatzeko”. Hala dio Mikel Laboaren kantak; hala izan da belaunaldiz belaunaldi, egun arte.
Gogoan dut nire gurasoak askotan joaten zirela... [+]
Otsailean bost urte bete dira Iruña-Veleiako epaiketatik, baina oraindik hainbat pasarte ezezagunak dira.
11 urteko gurutze-bidea. Arabako Foru Aldundiak (AFA) kereila jarri zuenetik epaiketa burutzera 11 urte luze pasa ziren. Luzatzen den justizia ez dela justizia, dio... [+]
MAITE: (biharko eguna antolatzen bere buruaren baitan) Jaiki, gosaldu, bazkaria prestatu, arropa garbitu, etxea garbitu, gizon hori jaiki, seme-alabak jaiki, hiru horien gosaria prestatu, haiek agurtu, erosketak egin, lanera joan, seme-alabak eskolatik jaso, merienda eman,... [+]
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Ez dut beti ulertzen nola aritzen ahal diren lur planeta honetako zati okitu, zuri, gizakoi eta kapitalistako aho zabal mediatikoak, beraiena, hots, gurea, zibilizazioa dela espantuka. Berriak irakurtzen baldin baditugu, alta, aise ohartuko gara, jendetasuna baino, barbaria dela... [+]
Administrazioko hainbat gai, LGTBI+ kolektiboko kideen beharrizanak, segurtasun subjektiboa, klima aldaketa, gentrifikazioa, ikus-entzunezkoak erabiltzeko modu berriak, audientzia-datuak jasotzeko moduak, dislexia, ikuspegi pedagogiko aktibo eta irisgarriak, literatur... [+]
Auzitan jar ez daitekeen baieztapen orokor eta eztabaidaezinaren gisan saldu digute hizkuntzak jakitea printzipioz ona dela, baina baditu bere "ñabardurak", edo esanahi ezkutuagokoak. Hemengo ustezko elebitasun kontzeptuaren azpian dagoen baina kamuflatzen den... [+]
Otzandu egin gara, katalanak eta euskaldunok, ekaitzaren ondoren. Saiatu ginen, bai; sendo ekin genion, eta gogor kolpatu gaituzte; ezin izan genien gure helburu zuzen, ezinbesteko, sakratuei eutsi. Eta porrotaren mingostasuna dastatu dugu, eta bigundu egin gara irabazleen... [+]
Iragana ulertzen saiatzen eta etorkizuna bideratzen, oraina joaten zaigu zenbaiti. Nire proiektuetako bat (hasi baina landu ez dudana oraindik) dudan zuhaitz genealogikoa egitea da. Horretan lagunduko didan liburutxo bat ere erosi nuen. Baina, hain da handia lana, liburutxoa... [+]