"Profesionaltasuna jarrera bat da, ez soldata bat"
Hau mundu arraioa! Erretiro adina atzeratzen eta arbitroak 45 urterekin erretiratzen.
Eguraldi txarra ere arbitroaren errua da!
Jendea bere tentsioak etxean edo lanean deskargatzeko bezain ausarta ez denez, gure amarekin oroitzen da. Badakizu, futbola herriaren opioa da, eta finean, nor dira tontoenak? Ba gu, arbitroak!
Ikusten dut auto-estimua oso goian daukazula.
Badakit futbola zirkua dela, interesez josia, baina bere balore eta printzipioak partidu batengatik galtzen dituenak arazo bat dauka. Futbola kirola baizik ez da, ez hil ala biziko ezer.
Ziur? Kirol-prentsa irakurrita...
Ez dago papera saldu beharra bezalakorik gezurrak asmatzeko. Hori bai, zergatik ez du inork Real Madrilen aurka sutsuki egiten? Real Madrileko inork elkarrizketarik ematen ez badu negozioa bukatzen delako!
Polemikarik gabe ez dago futbolik, ala?
Futbolak beti izango du bere xarma, baina kirol-kultura falta zaigu. Askoz okerragoa da zoratuta dauden gurasoz inguraturiko mutil-koxkorren partida bat arbitratzea lehen mailan aritzea baino.
Umeekin dabilenak ez du programaz programa dabiltzan arbitro ohien kritika zitalik entzuten!
Erretiroak ausardia eta bista hobetzen ditu, nonbait. Lehen pitatzeko barrabilik ez zuten penaltiak eta ateratzeko koskabilorik ez zuten txartel gorriak ikusten dituzte orain. Nik argalduarazi eta berriz zelaira bidaliko nituzke.
Baina irtenbidea ez al zen bideo-arbitraia?
Ados, baina goleko marran bakarrik? Zergatik ez penaltietan? Eta area ertzeko jokaldi eta kornerretan zer? Ziur gaude horrek dena konponduko duela? Ez ahaztu programaz programa dabiltzan arbitro ohiak, jokaldia mila aldiz ikusita ere, batzuetan ez direla ados jartzen!
Bideoarekin akabo zuen mendeku pertsonalak eta zuen botere absolutua!
Aurreiritziak dauzkanak ezin du arbitroa izan. Politikari guztiak lapurrak direla uste duen epaileak ezin du politikaririk epaitu. Gurean berdin.
Arbitroak profesionalak direnean, agian...
Profesionaltasuna jarrera bat da, ez soldata bat. Zergatik daukagu Gurutzetako ospitaleko medikua profesionaltzat eta Nigeriara laguntzera joaten dena ez?
Zuek ere laguntza premian ez ote zaudeten.
Arbitroak lanketa psikologikoa behar du. Bilbon ez dago arazorik denak Athleticekoak garelako, baina Leonen erdiak Madrilekoak eta beste erdiak Barçakoak dira. Bata edo bestearen kaltetan hanka sartu duzunean, ez da samurra kalera ateratzea.
Urruña, 1750eko martxoaren 1a. Herriko hainbat emakumek kaleak hartu zituzten Frantziako Gobernuak ezarritako tabakoaren gaineko zergaren aurka protesta egiteko. Gobernuak matxinada itzaltzeko armada bidaltzea erabaki zuen, zehazki, Arloneko destakamentu bat. Militarrek... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Ezpatak, labanak, kaskoak, fusilak, pistolak, kanoiak, munizioak, lehergailuak, uniformeak, armadurak, ezkutuak, babesak, zaldunak, hegazkinak eta tankeak. Han eta hemen, bada jende klase bat historia militarrarekin liluratuta dagoena. Gehien-gehienak, historia-zaleak izaten... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
Martxoaren 1ean ospatuko du NNPEK-k urteurrena argazki erakusketa eta txalaparta ikuskizun batekin.
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Karlos Zurutuza (Donostia, 1971), kazetari ezaguna da ARGIAko irakurlearentzat, elkarrizketa eta erreportaje ugari egin baititu aldizkari honetan. Atzerriko gatazka guneetako bizipenak ekarri ohi ditu berarekin: Kurdistan, Balutxistan, Iran... hamaika leku landu ditu, batez ere... [+]