O ser humano comezou a consumir chocolate fai 4.000 anos. Atribúeselle a Cristóbal Colón o habela traído a Europa na súa cuarta viaxe a América, no ano 1502. O que recibían as persoas que vivían na conca da Amazonía, hoxe en día tómase en todo o mundo.

Realizáronse numerosos estudos sobre os beneficios do chocolate, e esta vez querémosvos informar do que se fixo na Universidade de San Diego de California. A 31 persoas, durante quince días, pedíuselles que tomasen 50 gramos de chocolate negro ou 50 gramos de chocolate branco ao día. Cada un elixiu o tipo de chocolate que consumía cada día, e desde o principio até o final do ensaio comparáronse diferentes parámetros como a presión arterial, a cantidade de lípidos e a glicosa.

Tras a comparación, quedou claro que os consumidores de chocolate negro tiñan unha presión arterial máis baixa, un nivel de colesterol máis axeitado e unha menor glicosa que o resto. Con todo, os investigadores advertiron de que comer moito chocolate aumenta a cantidade de calorías e graxas saturadas, polo que non convén comer máis de 50 gramos ao día.