O ano 2010 terminou con 178.972 parados en Hego Euskal Herria, un 6% máis que en 2009. Bizkaia bateu a súa marca de desempregados con 5.634 persoas máis, o que supón un aumento do 8%, segundo datos elaborados por Eustat. Álava rexistrou un total de 1.171 desempregados máis, o que supón un incremento do 6,10%. En Navarra, o paro subiu en 2.358 persoas e o desemprego incrementouse nun 5,80%, até alcanzar as 2.456. Gipuzkoa foi o territorio onde menos subiu o paro rexistrado o ano pasado, con 955 parados máis, o que supón un aumento do 2,48%. En números absolutos, Bizkaia pechou o ano con 76.129 desempregados, Navarra con 43.011, Gipuzkoa con 39.449 e Álava con 20.383. En 2010 a taxa de paro en Hego Euskal Herria creceu un terzo máis que no conxunto do Estado español. En España o número de parados aumentou en 176.470 persoas e o número de parados incrementouse nun 4,5%. As mulleres e os mozos son os sectores máis afectados polo desemprego e a inestabilidade en Euskadi.As
estatísticas frías non deben impedirnos ver a traxedia persoal e familiar que hai detrás de cada desempregado. Estas cifras deberían representar un verdadeiro estado de emerxencia social e de responsabilidade política, social e sindical. As reformas que están a promover os “comerciantes” internacionais –no ámbito laboral, nas pensións, etc.– só serven para asegurar a devolución dos créditos que lles cederon cuns tipos de interese elevados. Só buscan o seu propio negocio. Necesítanse políticas económicas alternativas que fagan que o custo da crise recaia sobre o verdadeiro responsable da mesma, a gran banca, e que fomenten os investimentos produtivos. Para cando un imposto especial para bancos, entidades financeiras e grandes fortunas? Fai falta unha nova política fiscal para gravar aos que máis teñen, eliminar paraísos fiscais e desenmascarar aos sectores liberais defraudadores (deportistas profesionais, notarios, grandes avogados, rexistradores, médicos, dentistas, arquitectos...). Abrir a fonte dos créditos, sobre todo ás pequenas empresas e autónomos, ata que se elimine a situación de emerxencia.
Juan Mari Arregi