O sindicato agrario vive a situación con preocupación: “Terá un impacto non medido no conxunto da sociedade, na cidadanía e no sector. Exponse o maior laboratorio do mundo que pode producir 4.000 toneladas de carne ao ano Frankenstein”.

Nazabal cre que “non se miden as consecuencias” da creación dunha xigantesca empresa destas características. “Son proxectos para pór a nosa alimentación en mans de multinacionais, deixando patentes en mans privadas, en lugar de levar a alimentación á soberanía”.

No transcurso do encontro denunciaron que “este que se está tapando co nome dunha empresa vasca, está a traballar co apoio da maior empresa cárnica do mundo”. De feito, segundo publicou O Salto, a multinacional brasileira JBS é propietaria da empresa Biotech Foods co 51% das accións. Ademais, deron cabida á relación desta empresa con casos de corrupción en Brasil e coa deforestación do Amazonas.

“O silencio é unha das claves detrás deste proxecto: O pobo e a cidadanía non están a se decatar do que está a pasar, co proxecto en si, e moito menos co que pode supor”, denunciou Nazabal. Ademais cren que se están propagando algunhas mentiras: “Din que é máis sostible que a gandaría. En absoluto é así, iso é falso. Que os laboratorios contaminarán 25 veces máis CO2 que a gandaría”.