ERNAI presentou este mércores en Bilbao a dinámica "Gazteok zuekin", co obxectivo de trasladar a solidariedade e o compromiso dos mozos ao EPPK. Segundo informou na comparecencia, organizaron unha carreira que percorrerá Bilbao o próximo 2 de xaneiro, con dous obxectivos principais: por unha banda, "fortalecer e estimular a práctica da volta a casa de presos e exiliados, e doutra banda, pór o noso gran de area para que as persoas novas tamén vaiamos percorrer ese camiño"; e por outro, "convidar a Euskal Herria e á mocidade vasca a ser a última xeración que vive as consecuencias do conflito político".

Por cada preso político vasco de Bizkaia, un mozo participará na carreira, un total de 82. Segundo as indicacións facilitadas, a carreira dará comezo ás 11:30 horas na praza San Pedro de Deusto e finalizará na ponte do Arenal.

O programa completarase cun acto na praza do Arriaga para trasladar á sociedade vasca que "os presos, exiliados e deportados vascos teñen que estar na rúa e por unha Euskal Herria libre de presos e exiliados, unha Euskal Herria libre de paz e liberdade".