O Consorcio de Augas Bilbao Bizkaia incrementará a súa factura nun 5%, cunha media de 2,4 euros máis por trimestre e 9,6 euros máis ao ano. Así o decidiu na asemblea xeral celebrada o luns.

A tarifa do consorcio recolle os servizos de abastecemento, saneamento e depuración, e segundo os estudos realizados a actual só cobre o 77% dos gastos destes servizos. O consorcio alega que para realizar novos investimentos e "prestar servizos en igualdade de condicións" en todos os municipios, como é o caso de Busturialdea, teñen que facer ese incremento, tal e como recolleu EiTB.

Na reunión do luns tamén se aprobou o orzamento do 2023. Prevese gastar a maior cantidade existente: 217, 8 millóns de euros, 18,4 millóns máis que o ano pasado.