O Sindicato de Músicos e Traballadores Aliados (UNAW, Union of Musicians and Allied Workers), dentro da campaña “Justice at Spotify” (Xustiza en Spotify), levou a cabo o luns protestas en 31 cidades do mundo ás portas das oficinas de Spotyfire. A través das protestas, esixiron, entre outras cousas, que a empresa teña máis transparencia nas súas prácticas comerciais, que retire as demandas contra varios artistas e que estableza o tipo de pago de “un centavo por reprodución”.

A campaña Justice at Spotify púxose en marcha en outubro de 2020 e desde entón reuniu ao redor de 28.000 firmas de artistas e traballadores da industria da música. Pitchfork recolleu as palabras de Mary Regalado, organizadora da campaña: “Spotify maltratou durante moito tempo aos traballadores da música, pero a pandemia puxo de manifesto esta explotación”. Segundo explicou, desde o inicio da pandemia a empresa triplicou o seu valor, mentres que as taxas a pagar aos artistas non se incrementaron. “Os músicos de todo o mundo están nestes momentos en paro e os xigantes tecnolóxicos que dominan a industria reciben miles de millóns de euros. O traballo musical é un traballo, e estamos a pedir que nos paguen o que é xusto por ese traballo”, subliñou.