As investigacións analizaron a importancia que teñen os vídeos e imaxes en Twitter, Instagram, Youtube e Facebook e puxeron de manifesto a relación da maioría dos anuncios cos estereotipos de beleza.

Canto maior é o tempo que se dedica ás redes sociais máis inflúe nos mozos. Tanto na súa baixa autoestima como na súa percepción do propio corpo. Ademais, isto é máis evidente nas mulleres.

Os investigadores realizaron a un grupo de estudantes universitarios de entre 18 e 25 anos un cuestionario sobre a percepción da súa imaxe corporal. As mulleres enquisadas recoñecían que a imaxe da muller que mostran os anuncios das redes sociais era estereotipada e delgada. Pero cando se preguntaba pola imaxe corporal que querían ser, a resposta da maioría achegábase ao prototipo mostrado nestes anuncios.

Ademais, a baixa autoestima vai unida ás desordes alimentarias e os expertos no ámbito da saúde din que están a aumentar estes problemas. É máis, a incidencia dos anuncios nas desordes alimentarias sitúase nun 4,60% na escala de 5.

Esta noticia foi publicada polo portal Unibertsitatea.net e trouxémola grazas á licenza Creative Commons.