Seguindo o camiño iniciado nas festas de Andramarieta, o Concello adoptou unha serie de medidas para que as festas de San Andrés tamén sexan máis inclusivas. Por unha banda, o sábado, día de San Andrés, suprimirase a música nas barracas entre as 17:00 e as 19:00 horas para garantir "as mellores condicións posibles" ás persoas con hipersensibilidad auditiva. Segundo indicaron, a medida foi acordada coa asociación Marea Azul, que apoia a iniciativa.

Doutra banda, repartiranse carnés para persoas con diversidade funcional nos próximos días, co obxectivo de evitar colas nas barracas. Estes cartóns están xa dispoñibles no Servizo de Atención Cidadá do Concello, en horario de 07:30 a 15:30 horas.

O consistorio explicou que estas medidas teñen como obxectivo "facilitar ás persoas con diversidade funcional o goce das festas" e dar "normalidade e continuidade" ao camiño emprendido nas mulleres.