O presidente de Osasuna, Luís Sabalza, informou de que o custo das obras de construción da cuberta e algunhas bancadas ascenderá a 1.800.000 euros. Ao non estar recolleitos nin no proxecto orixinal nin nas condicións do concurso convocado polo club, Osasuna asumirá este custo. A razón principal para realizar estas obras é que o club recibirá o diñeiro do aluguer dos locais comerciais, cinco veces máis que na actualidade, segundo Sabalza. Segundo explicou, o club chegou a un acordo coa construtora VDR para o pago do diñeiro durante dous anos. “Desta maneira apenas afectará as contas do club”.

En canto á cuberta, decidiron reformar o proxecto ao estar máis danada do que se pensaba debido ás filtracións de auga. O club tamén se fará cargo do seu custo. O presidente de Osasuna asegura que o novo tellado redondeará “esteticamente” o proxecto e que grazas a el mellorarase a acústica do campo de fútbol.