O programa europeo Copernicus mediu as temperaturas máis altas da historia no mar: 20,96 graos celsius de media. A última marca data de 2016, cun grao de 20,95. Os científicos do programa afirmaron que o fenómeno atmosférico dO Neno xoga un papel importante e que nas próximas semanas e meses a marca superarase unha e outra vez, xa que en marzo se alcanza o máximo nivel de temperatura oceánica.
Samantha Burgess, membro de Copernicus, declarou:“Preocúpame que chegue agora a eses números, porque quen sabe até onde chegarán as temperaturas de aquí a marzo”. Denuncia que, ademais do fenómeno dO Neno, o uso de combustibles fósiles e o conseguinte quecemento global repercuten no quecemento do océano.
Os océanos regulan a temperatura da Terra ao absorber calor e dióxido de carbono. Pero ao quentar a auga pérdense estas capacidades, absorben menos calor e o gas invernadoiro irá máis á atmosfera. Ademais, isto provoca a fusión do xeo polar e aumenta aínda máis o nivel do océano.
Segundo un estudo de 2019, as ondas de calor mariña están a producirse cada vez máis nos océanos nos últimos anos, aumentando un 50% desde 2016. As ondas de calor teñen unha gran influencia nos ecosistemas oceánicos, que acaban con moitas vidas mariñas.