O alcalde de Nova York, Bill de Blasio, xa informou o pasado domingo a través da súa conta oficial de Twitter desta medida. Nunha mensaxe difundida en redes sociais, subliñou que “en Nova York tes dereito a confirmar a túa identidade de nacemento. A partir de 2019, todos os cidadáns poderán cambiar o marcador de xénero no certificado de nacemento, especificando as opcións M,F ou X”.

O Consello Municipal aprobou en setembro a lexislación que entrou en vigor o 1 de xaneiro de 2019 e puxo de manifesto un gran avance nos dereitos do colectivo LGTBI. Até agora, había que presentar unha carta ou documento legal no que se indicase que a persoa estaba de acordo co xénero no que vivía. Xa non é necesario.