A procura nAs Landas non tivo resultados, pero a familia de Naparra dixo que non ía abandonar a investigación. O xuíz da Audiencia Nacional Ismael Moreno ordenou a apertura de novas dilixencias por un presunto delito de homicidio imprudente.

O xuíz pediu ao xornalista Iñaki Errazkin que entregue o manuscrito no que a fonte anónima explicou o paradoiro de Naparra nun prazo de dez días, e ordenou á Policía Nacional e á Garda Civil que recollan os datos para localizalo.

Ismael Moreno arquivou o caso en 2004, xa que non identificou aos asasinos de Naparra. 12 anos máis tarde, a familia e o médico forense entregaron senllos informes nos que se constataba que os restos se atopaban no carballal entre Brocas e Labrit. En base a estes informes, o xuíz Moreno reabriu o caso e pediu a Francia que buscase o cadáver de Naparra. Un equipo especializado da gendarmería, acompañado polo forense Paco Etxeberria e o avogado Iñigo Iruin, tentou localizar os restos de Naparra na zona dAs Landas, pero non atopou nada.