O Goberno de Navarra deu a coñecer o 17 de abril os criterios xerais para final de curso e enmárcase dentro do marco proposto polo Goberno de España, no que ambos os partidos están a gobernar, como era de esperar.

O conselleiro de Educación de Navarra, Carlos Gimeno, destacou que "non se pode garantir a igualdade de oportunidades entre o alumnado neste trimestre" e definiu o criterio básico da avaliación como: "Os alumnos non perderán o curso polo coronavirus. Ninguén pode quedar atrás por iso e ninguén pode saír prexudicado pola incidencia da pandemia no proceso de aprendizaxe”.

Normas de promoción

As clases finalizarán o 19 de xuño e a promoción será a norma en todas as etapas. É dicir, a repetición do curso será moi excepcional, haberá que argumentalo con contundencia e, tal e como establece o marco xeral establecido polo Goberno de España, tamén deberá levar un plan detallado no que se indique como se pode recuperar o curso.

Flexibilizar o currículo da avaliación final e axustar os criterios de avaliación

Adecuaranse os criterios de avaliación finais e centraranse nas aprendizaxes básicas. O currículo desta avaliación flexibilizarase.

O plan do Goberno de Navarra é compaxinar o final de curso e o comezo do seguinte, para o que se combinan os currículos de ambos os cursos. Isto non se vai a facer nos anos finais da etapa, é dicir, nos anos 4. ESO, e en 2º de Bacharelato e Formación Profesional.