De acordo co artigo publicado na revista de Nature Medicine, o aumento das mortes de calor por efecto invernadoiro supera calquera diminución das mortes de frío. Ademais, nin a mellor adaptación á calor melloraría o problema.
O estudo, liderado pola London School of Hygiene & Tropical Medicine, utilizou datos de 854 zonas urbanas europeas para o cálculo de mortes por calor entre os anos 2015-2099. Así mesmo, subliñaron que o sur e o leste soportarán as consecuencias do efecto invernadoiro con maior intensidade que o norte, pero que si non se aplican medidas de mitigación e adaptación sólidas, as mortes na maioría das cidades europeas crecerían.
No estudo prevense tres escenarios de futuro. O primeiro, baseado nos Acordos de París, é o mellor dos prognósticos, o que suporía unha subida de dous graos. O segundo escenario sitúase nunha subida de entre dúas e tres graos, e o terceiro, cunha subida de tres e catro graos, sitúase na peor previsión. Este último é o caso que, ademais de ser a peor previsión, achégase á situación actual, co que xeraría uns 2,3 millóns de mortos máis.
Doutra banda, se se analiza o contexto xeopolítico actual, os sons favorables á adaptación ao efecto invernadoiro son os máis fortes fronte aos que defenden a mitigación do cambio climático. O estudo afronta esta premisa porque, ao seu xuízo, "é fundamental continuar con políticas ambiciosas para reducir o uso de combustibles fósiles", xa que a plantación de zonas verdes e arboledo non fai máis que difuminar os graos.