Segundo datos de OXFAM, no informe O virus da fame está a duplicarse, durante o último ano o prezo dos alimentos aumentou un 40%. A subida tamén afectou aos alimentos básicos: cereais, azucre, carne, aceite e lácteos.

Pero ademais da falta de recursos económicos, hai outros problemas engadidos detrás da fame. OXFAM acusa ao coronavirus, á emerxencia climática e ás guerras de aumentar a taxa de desnutrición a nivel internacional.

No ano 2020, a guerra deixou 22 millóns de persoas sen comida en 23 países diferentes, o que supón un total de 100 millóns de habitantes na actualidade, por mor dos conflitos.

A FAO, a Organización da Alimentación e a Agricultura de Nacións Unidas, ratificou estes datos no seu informe Estado da seguridade alimentaria e nutrición no mundo. O informe sinala que en 2020 o 9,9% da poboación atopábase en situación de desnutrición, 161 millóns máis que en 2019. Estes datos recóllense especialmente en Asia, África e América Latina.