Os asinantes do Convenio están de acordo en que é urxente reverter a situación do Concello: "O alcalde de Navarra Suma e todo o seu equipo de goberno demostraron unha e outra vez a súa actitude autoritaria e sectaria á hora de tomar decisións, a falta de capacidade de xestión do Concello e a falta de proxectos para a nosa cidade é evidente. Por tanto, á vista de todo iso, a moción de censura nace da necesidade de que as dereitas UPN, PP e C´s saian da Alcaldía de Estella-Lizarra".

Nun comunicado remitido polos asinantes da moción de censura, consideran "imprescindible que esta situación non se alargue máis e, a pesar das diferenzas que existen entre os grupos políticos, deron un paso adiante con xenerosidade e compromiso coa cidadanía". Os concelleiros Koldo Leoz Garciandía, Uxua Domblás Ibáñez, Regino Etxabe Díaz, Edurne Ruiz Armendáriz, Maider Barbarin Pérez de Viñaspre, Unai Errazkin Pena, Jorge Crespo Ganuza, Magdalena Hernández Salazar e Pablo Ezkurra Fernández rexistraron a súa solicitude este luns pola mañá.

Así mesmo, asinaron un Acordo de Goberno para a lexislatura que queda e no que se recollen os compromisos adquiridos: "Terán maior grao de definición e precisión cando se constitúan as xefaturas das comisións dos departamentos municipais".

No convenio acórdase que a Alcaldía será asumida polo concelleiro de EH Bildu, Koldo Leoz Garciandia, desde a súa toma de posesión até o 1 de marzo de 2022, e posteriormente será asumida por Jorge Crespo Ganuza.