O pasado luns, 4 de febreiro, o Concello de Barakaldo abriu o prazo para solicitar as axudas de emerxencia. Segundo datos de Barakaldo Dixital, nas primeiras sete horas 1.378 familias realizaron a petición de cita para solicitar as axudas. Segundo a plataforma contra a exclusión social Berri-Otxoak, a lista de espera das citas estenderase até o próximo mes de abril.

O Concello de Barakaldo mantivo pechada a posibilidade de pedir axudas desde outubro de 2018, e todas as solicitudes acumuladas ao longo deste catro meses víronse comprometidas. Segundo explicaba a plataforma Berri-Otxoak nun comunicado feito público en xaneiro, o Pleno municipal acolleuse a unha disposición de Lakua para non dar canle ás solicitudes, o que permite denegar as axudas de emerxencia por tratarse dun orzamento insuficiente. “O Goberno Municipal, ademais de recortar, vulnera dereitos como o ‘procedemento administrativo común’”, denunciaron.

A plataforma informou en xaneiro de que, ademais de pechar o acceso ás axudas de emerxencia, reduciu sistematicamente as axudas para gastos de necesidades básicas. Segundo subliñaron, cos recortes, máis de 2.400 familias de Barakaldo víronse afectadas polos desafiuzamentos.