- Dúas asociacións de dereitos humanos e liberdades demandaron á Prefectura de Policía de París por utilizar drones para controlar o confinamento desde o pasado 18 de marzo. As asociacións piden, entre outras cousas, que se borren todas as imaxes que se puideron adquirir desta maneira.
A Policía utilizou drones aéreos para ordenar á xente que regrese ás súas casas e para gravar aos que non están a cumprir o confinamento. Ante iso, a liga polos Dereitos Humanos e A Quadrature du Net presentaron unha denuncia o 2 de maio na que piden que se deixe de tomar imaxes con drones e que se borre calquera imaxe tomada até agora, condenando a 1.024 euros por cada día de atraso.
As asociacións lembraron que o que fixeron os drones, ademais de violar a privacidade da xente, é unha práctica ilegal. “É grave, está a facerse fóra da lei, xa que o uso dos drones non foi autorizado por ningunha acción administrativa”, criticaron as asociacións.
Tamén fóra de París, no Estado francés empregáronse drones que permitiron controlar o confinamento noutras zonas do país.