O trikitilari bilbaíno marchouse a Bélxica para ofrecer un concerto este fin de semana en Bruxelas. Fontes próximas ao músico explicaron ao diario Deia que tampouco se celebrarán os próximos concertos que xa tiña programados, entre eles os de Derio e Artium de Vitoria-Gasteiz.

Este verán Junkera realizou unha xira internacional por varios países europeos (Portugal, Dinamarca e Polonia) e en xaneiro de 2019 xa tiña concertada unha cita en Escocia.

Ademais, acaba de presentar un documental sobre a travesía que emprendeu xunto ao navegante Unai Basurko en maio deste ano. Josu Martínez dirixiu este traballo audiovisual que ten como obxectivo concienciar sobre o problema da esclerose lateral amiotrófica, e levou aos participantes a bordo desde Bilbao até Galicia.