A decisión foi adoptada polo Servizo de Clasificación do Departamento de Xustiza da Generalitat. Onte aprobouse a proposta da comisión de tratamento da prisión de Lledoners, polo que Sánchez e Cuixart poderán saír do cárcere durante 48 horas. O xuíz de vixilancia ten agora entre 3 e 7 días para ratificar a medida, que xa foi acordada. Pero trátase dun paso de trámite, xa que ao ter un permiso de menos de 3 días non é necesario o seu apoio. "A Generalitat dará a coñecer a resolución dos Servizos de Clasificación, pero non concretará días para protexer a intimidade das persoas", informou o Departamento de Xustiza.

Sánchez e Cuixart están clasificados en segundo grao e xa cumpriron a cuarta parte da condena (dous anos e medio). Unha vez aprobada a primeira autorización, e mentres se atopen en segundo grao, a comisión de tratamento poderá propor até 36 días máis de permiso ao ano.

Permisos para outros presos

O resto de presos políticos cataláns condenados por organizar o referendo de 2017 poderán solicitar a mesma autorización a medida que se cumpra a cuarta parte da condena: Carme Forcadell, Dolors Bassa, Raül Romeva e Jordi Turull en febreiro; Joaquim Forn en xuño; Josep Rull en outubro e Oriol junqueras en xaneiro de 2021.