- "O obxectivo é protexer ás persoas máis vulnerables ante os graves problemas de adicción que poden xerar o xogo e as apostas", explicou a directora xeral de EITB, Maite Iturbe, na reunión do Consello de Administración. "Desta maneira, e con determinadas excepcións, preténdese prohibir as actividades de publicidade, promoción e emisións relacionadas co xogo", engadiu.
Estas excepcións son a lotaría e a aposta que competen á Administración do Estado español e ao ONCE, así como a publicidade estática e promocións que sexan imprescindibles para a adquisición de dereitos e a produción do sinal de expansión.
Segundo informou EiTB, non aceptará nos seus medios (radio, televisión e Internet) ningún tipo de acción publicitaria ou promocional relacionada co xogo, nin a publicidade corporativa de marcas ou eventos "a condición de que a actividade principal das empresas que os leven a cabo sexa o xogo".
Así mesmo, "no caso da publicidade estática contida nos partidos de pelota vasca emitidos por ETB, EiTB deberá negociar coas entidades competentes co fin de reducir ou eliminar a publicidade estática relacionada co xogo".
Os acordos de publicidade en vigor manteranse como máximo até o 31 de decembro de 2019.