Iberdrola obtivo un beneficio neto de 1.485 millóns de euros no primeiro trimestre do ano, o que supón un incremento do 40%, debido principalmente ao aumento dos beneficios no Estado español e Gran Bretaña, segundo informa a propia compañía na información remitida á Comisión Nacional do Mercado de Valores (CNMV).

O resultado bruto de explotación (Ebitda) aumentou un 37,7% entre xaneiro e marzo, alcanzando os 4.064 millóns de euros, “principalmente pola recuperación do déficit da tarifa regulada no Reino Unido, a normalización da produción nos países da Unión Europea, a menor compra de enerxía a un prezo inferior ao ano anterior e o incremento das enerxías renovables”.

Os investimentos da compañía ascenderon no primeiro trimestre de 2023 a 10.400 millóns de euros, un 9% máis que no mesmo período do ano anterior. As cifras de vendas tamén aumentaron no primeiro trimestre, até os 15.460 millóns de euros, fronte aos 12.150 euros de vendas do mesmo período de 2022.