- O Parlamento de Hungría aprobou este luns, coa escusa de loitar contra o coronavirus, unha modificación legal que outorga ao goberno do primeiro ministro Viktor Orbán un poder case ilimitado. Toda a oposición mostrouse en contra da decisión que tomou o político ultradereitista que goberna o país.
A partir de agora, o Executivo de Orban poderá adoptar por decreto a práctica totalidade das decisións, entre elas, cando se produciu o estado de emerxencia, principal argumento do cambio de lei. Entre outras medidas, o Goberno húngaro poderá suspender as leis e bloquear a difusión de informacións que obstaculicen a "defensa" contra a pandemia.
Entre outras medidas, prevé penas de até cinco anos de cárcere por difundir informacións que sexan bloqueadas polo Goberno.
A reforma baséase nun artigo da Constitución húngara que outorga ao goberno en situación de “risco” competencias extraordinarias. A oposición, pola súa banda, cre que o Goberno de Orban utilizarase para aplicar a censura e silenciar as críticas.
A oposición criticou que as medidas extraordinarias non teñan un prazo límite de tempo e pediu que se prorroguen até un máximo de 90 días, pero o Goberno de Orban desestimou esta petición.
O luns, en Hungría había 447 casos positivos de coronavirus e 15 persoas morreron pola pandemia.