A finais da semana pasada, a caravana de migrantes partiu desde Honduras en varias columnas e cruzou a fronteira entre Honduras e Guatemala de maneira conxunta o venres e o sábado. O domingo, a uns 30 km da fronteira, a Policía e o Exército guatemalteco rodearon aos migrantes e bloquearon a súa ruta. Os intentos dos que tentaron superar o bloqueo foron brutalmente rexeitados. Algúns dos membros da caravana dispersáronse e algúns dos miles, segundo algunhas fontes, seguen no lugar.

Fuxindo da pobreza

“O Exército paraliza a paus a caravana de migrantes. Son hondureños que foxen da violencia, a pobreza, o impacto da pandemia e dous furacáns”, escribiu en Twitter o xornalista Iñigo Herraiz. Á pobreza e a violencia estruturais en Honduras, hai que sumar en novembro o desastre causado polos furacáns Eta e Lota no país e as consecuencias da COVID-19. Entre os participantes hai familias enteiras, entre elas nenos e nenas. Desde 2018 ao redor dunha ducia de caravanas deste tipo saíron de Honduras para tentar chegar a Estados Unidos.

Segundo Herraiz, son poucos os migrantes que até o momento superaron o bloqueo e conseguiron chegar á fronteira con México. Na fronteira espéralles a Garda Nacional Mexicana, que lles enviou o Goberno de México para impedir o paso de migrantes. O xornalista vasco Alberto Pradilla, que traballa en México, asegurou que o goberno mexicano ha enviado a Guatemala catro autobuses policiais para “axudar aos migrantes a regresar a Honduras. Cooperación internacional para evitar que os pobres fuxan da miseria”.