Segundo denunciou o Colexio, "mentres a xornalista comunicaba a celebración do Alarde, unha defensora do Alarde excluínte achegouse e, entre insultos, arrincou das súas mans o móbil que é a súa ferramenta de traballo e arroxouno ao solo".

Non foi o único ataque que sufriu o sábado a liberdade de prensa, segundo lese na nota de prensa. "Compañeiros doutros medios como Berria, EiTB ou Diario Vasco tamén sufriron agresións por parte do público: tapar, empuxar, insultar, desfacerse de material de traballo ou evitar o bo facer das cámaras".

Ambas as institucións consideran "inaceptable" que "non se respecte aos medios de comunicación nin aos seus membros nin aos seus empregados no exercicio das súas funcións". O traballo dos xornalistas, e os mesmos xornalistas, son imprescindibles para garantir unha sociedade democrática e participativa, e son imprescindibles para garantir os dereitos fundamentais da cidadanía: liberdade de expresión e dereito a construír unha opinión crítica propia".

A Asociación e Colexio Vasco de Xornalistas tamén enviaron unha mensaxe ás institucións, "especialmente ao Departamento de Seguridade do Goberno Vasco", ás que pediron compromiso coa profesión xornalística e co apoio e defensa dos xornalistas que traballan no ámbito da comunicación.