A liña política para o próximos cinco anos decidiuse no proceso de votación que se iniciou o venres e que finalizou o domingo. Segundo os datos achegados por sortu o luns, o informe oficial Herrigaia que propón profundar no camiño iniciado nos últimos anos foi o que máis apoios recibiu. Das 7.936 persoas con dereito a voto, votaron 4.164, o que supón un 52,4% do total. Herriagaia obtivo 2.948 votos, o 71%; Lurrari Lotuz, o 22%; e 297 votos en branco, o 7%.

Emendas parciais

En nome de sortu, Urtza Alkorta informou dos resultados nun vídeo difundido a través das redes sociais. Alkorta destacou “a gran participación” e “o gran apoio” que recibiu o relatorio Herrigaia. Lembra que agora se abre un novo prazo, até o 5 de decembro, para a votación das emendas parciais.