Morre un cantante turco tras unha folga de fame de 288 días
- O activista, de 28 anos, levaba 288 días en folga de fame para denunciar a política de acoso do Goberno de Erdogan, as redadas culturais e a prohibición de dar concertos. Tamén reivindicaba a liberdade dos presos políticos a través da folga de fame.
“As peticións de Bolek non eran tan difíciles de cumprir. A súa morte foi causada polo fascismo do partido de Recep Tayyip Erdogan”, denunciaron os compañeiros do cantante. O grupo chámase Grup Yorum e outro dos seus membros tamén está en folga de fame: Ibrahim Gorce.
Cancións revolucionarias
O grupo fundouse en 1985 e alcanzou un gran éxito en Turquía na década dos 90. Combinando o folclore kurdo e turco, as súas cancións teñen mensaxes reivindicativas, criticando as políticas de Ankara ou a gentrificación.
Segundo o Goberno turco, trátase dunha formación musical vinculada ao DHKP-C, que foi designada polo Goberno como grupo terrorista. Por iso, Grup Yorum ten prohibido dar concertos.
