O Parlamento de Vitoria-Gasteiz móstrase preocupado polas dificultades para detectar casos de abuso sexual contra menores. A principal preocupación é a complexidade de identificar casos, tratalos adecuadamente e levalos á xustiza, segundo recolleu Naiz. A comisión parlamentaria ha elaborado un informe no que propón unha serie de recomendacións e medidas para facer fronte ao problema.

No informe destácase a necesidade de revisar e actualizar os protocolos existentes nas institucións, como en Osakidetza, nos centros educativos, na Ertzaintza e mesmo no sistema xudicial, coa posibilidade de crear xulgados específicos para estes casos.

Os novos protocolos foron aprobados polo PNV, EH Bildu, PSE-EE, Elkarrekin Podemos e PP na Comisión Parlamentaria. Segundo fontes do Parlamento, unha vez trasladados ao Pleno do Parlamento, esperan que se aprobe na sesión do Parlamento do 23 de novembro.

Recomendacións presentadas

O informe destaca a posibilidade de establecer unha xustiza restaurativa. Así mesmo, destácase a importancia de ofrecer medidas específicas de reparación para as vítimas, como o recoñecemento oficial do dano sufrido e, nalgúns casos, a compensación económica. Ademais, suxírese a creación dun sistema público que permita o acceso universal a tratamentos terapéuticos especializados para persoas vítimas de abuso na infancia ou adolescencia.