- Ante a gravidade económica dos consumidores como consecuencia da covid19, o Grupo Goiener presentou un documento cunha serie de medidas ante o Ministerio para a Transición Ecolóxica e a Comisión Nacional dos Mercados e a Competencia (CNMC). Estas medidas expoñen reducir a factura da luz e que se poida pagar de forma fraccionada.
O Grupo Goiener, xunto con 70 comercializadores independentes, presentou un documento con medidas de seguridade xurídica para todos aqueles consumidores que deban adoptar medidas excepcionais para paliar os efectos producidos polo desemprego e/ou polo cesamento ou a redución da súa actividade. Este documento foi presentado o pasado 24 de marzo no Ministerio para a Transición Ecolóxica e na Comisión Nacional dos Mercados e a Competencia (CNMC). Na carta remitida aos socios por Goiener, que até agora non recibira resposta, sinalou que "esperemos que en breve se dean boas noticias para afrontar conxuntamente esta situación tan especial e que as consecuencias sexan as mínimas posibles".
Medidas de redución da factura
O obxectivo destas medidas é reducir o gasto da factura eléctrica mediante a redución dos custos fixos da subministración eléctrica a satisfacer polos clientes, para aliviar a carga económica das persoas físicas e xurídicas afectadas e facilitando o axuste da potencia contratada "de forma áxil e gratuíta".
Por outra banda, trátase de establecer un sistema que permita, en caso necesario, que os comercializadores independentes poidan fraccionar o pago das facturas a realizar ao cliente final, así como o pago das peaxes de acceso aos distribuidores ata que se realice efectivamente o mesmo.