A asociación de consumidores FACUA denunciou ante o Concello de Bilbao e Kontsumobide á empresa organizadora do festival BBK Live, Last Tour. Prohibiu a entrada de comida e bebida do exterior, así como o pago en metálico, segundo FACUA a dedicación do festival é música e non a actividade hostaleira.

Ademais, destaca que dentro do festival os alimentos e bebidas tiñan prezos moi altos. Nas redes un usuario colgou a seguinte táboa de prezos:

Por outra banda , a empresa Last Tour estableceu un sistema de pago mediante pulseira cashless, única forma de realizar pagos dentro da área. FACUA di que a falta de pago en efectivo vulnera o Código Civil e a Lei do Estatuto dos Consumidores e Usuarios de Euskadi.

CNT denuncia o caso de fraude laboral en Pirata Beach Festival en Valencia

Tal e como dixo o sindicato, a empresa organizadora do festival, Black Lotus S.L., utilizou voluntarios que non recibiron remuneración polo seu traballo para “rebaixar os gastos de persoal e as cotas da Seguridade Social”, o que “pode ser unha fraude”.

Din que o voluntario e a persoa contratada estiveron a facer o mesmo, en contra da lei. Ademais, os traballadores denunciaron a explotación. Lucia Navarro, que estivo a traballar no festival, denunciou que “na barra estabamos entre 10 e 12 horas ao día e só tiñamos 20 minutos de descanso”. Algúns denunciaron que cobraron en negro ou cotizaron a metade da xornada laboral. “A escravitude eran condicións”, sinalou Navarro.