Tras percorrer as principais rúas do centro da capital biscaíña, a manifestación finalizou fronte ao teatro Arriaga de Bilbao. Nun acto posterior, os organizadores, decenas de axentes sociais, sindicais e políticos, denunciaron a guerra contra Venezuela. Responsabilizaron a Estados Unidos do que está a suceder, pero tamén criticaron a actitude e a responsabilidade da Unión Europea e dos gobernos español e vasco. Ademais de subliñar que o obxectivo da guerra económica, política, diplomática e mediática é recuperar o control do petróleo, o gas, o coltán e o ouro do país, chamaron a reivindicar os logros da Revolución Bolivariana.