O Salto elaborou unha reportaxe no que pon un exemplo concreto do que van custar as hipotecas: M. C. contratou a hipoteca variable hai dous anos e entón o euribor e os tipos de interese eran negativos. Ten unha débeda de 180.000 euros a pagar en 30 anos e destinaba 586 euros mensuais ao pago da hipoteca. Si o día en que se renova a súa hipoteca (renóvase anualmente coa data da firma do contrato) fose o 9 de setembro, a súa cota incrementaríase nun 39%, situándose en 816 euros ao mes. E si o euribor chegase ao 3% (os xornais da economía non descartan este risco), a cota mensual sería de 921 euros, un 57% máis que a súa cota.

Segundo a web Fotocasa, o aumento dos tipos de interese por parte do Banco Central Europeo supón un encarecemento das hipotecas de interese variable entre 1.400 e 3.400 euros, é dicir, entre 124 e 288 euros ao mes. E todo iso, calculado se o euribor estivese ao 1,5%, prevé Fotocasa, que xa subiu ao 2%.

"Subiulle un 16% o gasto en materias básicas respecto de 2021? Tranquilo, chega o Banco Central Europeo e subiralle a hipoteca un 37% para reparala", asegura o economista Carlos Sánchez Mato, nO Salton. Neste artigo explica as consecuencias da subida do prezo da electricidade e a secuencia da xogada dos oligopolios.

O 80% das hipotecas son variables

As hipotecas variables eran as que máis se contrataban até o ano 2020, aínda que a partir dese ano non están en bogas. O 80% dos fogares con hipoteca vive mirando ao euribor para saber canto pagará cada mes. As plataformas de vivenda advirten que esta subida do euribor vai supor nos próximos anos unha chea de mudanzas.

Paco Morote, membro da Plataforma de Afectados pola Hipoteca, lembrou en declaracións aO Salto que en 2021 foron máis de 41.000 as vivendas desafiuzadas en España e 11.000 no primeiro trimestre de 2022. A aprobación da Lei de Vivenda por parte do Goberno español pode supor un alivio da situación segundo Morote, pero non de calquera lei, senón das propostas presentadas polo movemento de vivendas.