Ademais desta petición de prisión e expulsión, o sindicato LAB denunciou que recibiu máis de 30 multas, que suman máis de 5.000 euros, e que un membro do sindicato será xulgado o próximo 2 de xullo cunha petición de multa de 2.800 euros.

O pasado 26 de decembro os traballadores da empresa Huerta de Peralta iniciaron unha folga indefinida, xa que entre outras cousas, despedieron a catro traballadores vinculados ao sindicato LAB. A folga prolongouse durante 28 días, ata que se chegou a un acordo. Con este acordo conseguiuse que a empresa abonase aos traballadores o 70% dos 440.000 euros debidos e que aceptase dous de cada catro traballadores despedidos.

Para denunciar esta “persecución sindical”, o sindicato celebrou o pasado luns unha asemblea aberta na praza do Castelo de Iruñea. No mesmo denunciouse a persecución que están a sufrir A Sangiovesa e Huerta de Peralta, xa que se abriron procedementos xudiciais a dous membros do sindicato.