- O Goberno español non acudirá ao acto de investidura de Quim Torra como presidente de Cataluña, argumentando que desde o Govern queren “impor o nivel dunha delegación de goberno” e que “o acto organizado pola Generalitat degrada a dignidade da institución”.
O cargo de presidente da Generalitat xúrase no Palau da Generalitat de Catalunya. Alí estarán o presidente do Parlament, Roger Torrent, e os familiares de Torra.
Xura do cargo
Até o Goberno de Carles Puigdemont, os actos de toma de posesión do presidente organizáronse da seguinte maneira: O presidente do Parlament preguntaba ao candidato “se cumpriría fielmente as obrigacións do cargo de presidente da Generalitat de Catalunya con respecto ao rei, á Constitución e ao Estatuto de Autonomía e ás institucións catalás”.
Na toma de posesión de Puigdemont, a entón presidenta do Parlament, Carme Forcadell, rompeu os esquemas e preguntou ao expresidente si xuraba “cumprir fielmente as obrigacións do cargo de presidente da Generalitat con respecto aos desexos do pobo catalán que representa o Parlament”.
O líder do PSOE, Pedro Sánchez, anunciou que proporá un cambio de lei para que nos actos de toma de posesión sexa obrigatorio xurar a Constitución. Sánchez explicou que o que se pode facer é modificar a lei electoral ou crear unha norma de forma expresa para iso.