- Vinte organizacións sociais e avogados, entre elas a Asociación Andaluza para os Dereitos Humanos, a rede Juridica e as asociacións Observatori do Sistema Penal i els Drets Humans, pediron a inmediata excarceración dos presos gravemente enfermos e maiores de 70 anos que se atopan nos cárceres españois por ser un colectivo con dobre risco ante o coronavirus.
Ademais da posta en liberdade dos presos especialmente vulnerables, tamén pediron a mesma medida para os presos preventivos, vixiándoos con outro tipo de control se é necesario. Nun escrito presentado no Ministerio do Interior español, advírtese das consecuencias que pode ter o coronavirus nunha poboación especialmente vulnerable, esixindo o illamento dos presos infectados nunha instalación médica e non nunha cela individual.
Ante os recortes impostos nas visitas a prisións, as institucións pediron que as chamadas telefónicas extraordinarias que o Ministerio ofreceu aos presos sexan gratuítas, que se aumenten as comunicacións orais ordinarias nos locutorios e que se instale un sistema de videollamadas.
As organizacións din na súa nota: "Deben adoptarse medidas urxentes para evitar a propagación do coronavirus dentro dos cárceres e para garantir os dereitos fundamentais das persoas privadas de liberdade".